Սարքավորումներ
Cobas c-111 /Roche diagnostics Գերմանիա
Կենսաքիմիական ավտոմատ անալիզատոր, որը ղեկավարվում է սեփական համակարգչով, կատարում է բազմաթիվ թեստեր՝ ֆերմենտների, սուբստրատների, սպեցիֆիկ սպիտակուցների որոշում: Հետազոտման նյութ են հանդիսանում ամբողջական արյունը, շիճուկը, մեզը, ողնուղեղային հեղուկը:
Այս վերլուծիչը 1 ժամում կարող է կատարել 60-85 հետազոտություն: Անալիզատորի միկրոպրոցեսորային համակարգը նվազեցնում է սարքի պահպանման աշխատանքները: Ունի սեփական հովացման համակարգ, որի շնորհիվ հովացված ռեակտիվի սկավառակները թույլ են տալիս արդյունավետ օգտագործել ռեակտիվը: Ռեակտիվի սրվակները եզակի են Cobas c -111-ի համար, ունեն 50-200 թեստի տարողություն: Սարքը ունի նաև իոնային ընտրողական էլեկտրոդի /ISE/ մոդուլ, որի շնորհիվ կարող է իրականացնել էլէկտրոլիտային վերլուծություն /1 ժամում 180 արդյունք/: Cobas c -111 անալիզատորն ունի բարձր կատարողականություն: Դինամիկ փոխանցման գլխիկը զգալիորեն նվազեցնում է աշխատանքի բարդությունը:
Սարքն ունի ջրի և թափոնների տարաներ, որոնք խողովակներով միացված են սարքին և ապահովում են աշխատանքի անվտանգությունն ու ճշտգրտությունը: Սարքը պահանջում է հատուկ խնամք և սպասարկում /էլեկտրոդների խողովակների և նմուշային զոնդերի մաքրում/: Դրա շնորհիվ էլ իրականացվում է նմուշի նյութի ճիշտ մշակումը:
Diagnostica stago (Start 4) Ֆրանսիա
Այս անալիզատորը նախատեսված է արյան պլազմայի նմուշների մակարդելիության համակարգի բոլոր գործոնները չափելու համար: Անալիզատորի շահագործման սկզբունքը հիմնված է սարքի կողմից ամրագրված արյան մակարդակի կամ ֆիբրինային թելերի առաջացման պահի միջև ընկած ժամանակահատվածի չափման վրա: Կոագուլոմետրում օգտագործվում է էլեկտրամեխանիկական թրոմբի հայտնաբերման մեթոդը:
Վերլուծիչն ունի ներկառուցված ծրագրակազմ, որն օգտագործվում է՝ չափումներ կատարելու և արդյունքներ դիտելու, կարգաբերման պարամետրերը փոխելու, տվյալների հիշողությունը դիտելու համար և այլն: Սարքը համարվում է միջազգային ոսկե ստանդարտ արյան մակարդելիության գործոնների որոշման համար:
Sysmex XP-300 Ճապոնիա
Ավտոմատ արյունաբանական կայուն ու հուսալի անալիզատոր, որը օգտագործվում է արյան բջիջները ֆիքսված ծավալով հաշվելու համար: Համարվում է հեմատոկրիտի չափման ուղղակի մեթոդ, որոշում է հեմոգլոբինի կոնցենտրացիան նույնիսկ ծանր լեյկոցիտոզի և լիպեմիայի դեպքում:
Վերլուծության արդյունքը արժեքներ է տալիս 20 պարամետրերի համար և լրացուցիչ 3 հիստոգրամ: Արդյունքները տպվում են ներքին ջերմային տպիչի վրա: Վերլուծիչը ունի մի շարք առանձնահատկություններ՝ հպման էկրան և ռեակտիվների կառավարման յուրահատուկ համակարգ, որոնք ապահովում են բարձրակարգ կլինիկական ախտորոշում և օգտագործման հարմարավետություն: Այս տեխնոլոգիան ունի հեշտացված և պարզեցված համակարգ՝ մեկ կոճակով ընտրություն նմուշառման և տեխնիկական սպասարկման համար: Սարքը 1 ժամում կարող է տալ 60 նմուշի արդյունք:
Cobas H 232 Գերմանիա
Արագ ախտորոշիչ , իմունոքիմիական էքսպրես անալիզատոր, որն օգտագործվում է սրտային անբավարարության, միոկարդի վնասման, երակային թրոմբոզի ցուցանիշների արդյունավետ ախտորոշման և գնահատման համար: Հետազոտության տևողությունը 1 նմուշի համար 10-15 րոպե է: Սա արագ և հեշտ շահագործվող սարք է, կարող է տրամադրել թեստի որակական արդյունքը մինչ թեստի ավարտը (քանակական արդյունք):
9180 Electrolyte analyzer Գերմանիա
Բարձրակարգ էլեկտրոլիտային անալիզատոր։ Նրա հիմնական մասն են կազմում երկարակյաց, առանց տեխնիկական սպասարկման էլեկտրոդները, հավաքման խողովակները և SnapPak-ը՝ հեղուկ փաթեթ, որտեղ պահվում են ռեակտիվները և թափոնները՝ բացառելով տարաների բազմակի փոփոխության կամ թափոնների կառավարման անհրաժեշտությունը: Սարքը ինքն է վերահսկում ռեակտիվի քանակը և անհրաժեշտության դեպքում օգտվողին հուշում տեղադրել նոր SnapPak: Այս անալիզատորը հնարավորություն է տալիս կատարել 7 տարբեր , փոխարինելի էլեկտրոլիտների կազմաձևերի ընտրություն: Էլեկտրոլիտների ընտրացանկերը, որակի վերահսկողության և նմուշի արդյունքները ցույց են տրվում լուսապատկերային էկրանին: Հետազոտության տևողությունը 1 նմուշի համար 50 վրկ է, հետևաբար սարքը կարող է տալ մինչև 60 նմուշի արդյունք: